Dreams ဆိုတဲ့ဘေ့စ်ဘောအသင်းဟာ ရာသီဆက်နီးပါ အမှတ်ပေးဇယားအောက်ခြေကနေရုန်းမထွက်နိုင်ဘူး…
ပရိတ်သတ်တွေရဲ့စိတ်ပျက်လက်ပျက်ဖြစ်မှုဟာ နေ့စဉ်နဲ့အမျှတိုးပွားနေတယ်….ပြောရရင် Dream အသင်းဟာ
အဘက်ဘက်က ယိုယွင်းနေပါတယ်…ပိုင်ရှင်သူဌေးကလည်း အမြတ်နည်းလှတဲ့အသင်းကို သံယော်ဇဉ်မရှိလှသလို
နည်းပြအဖွဲ့တွေကစလို့ ဟိုးအောက်ခြေကစားသမားတွေအထိ အဖွဲ့တွေကွဲပြားနေလို့
အသင်းအခြေအနေဟာ ဟိုးအောက်ခြေကနေမတက်တော့တဲ့အနေအထားပါ….ဒီရာသီမှာတော့ ပရိတ်သတ်တွေရဲ့သီးခံနိုင်မှု
ကုန်ဆုံးလာသလို အထွေထွေမန်နေဂျာကိုယ်တိုင်လည်း နှုတ်ထွက်သွားပါတယ်….
ဒါ့ကြောင့် နောက်ရာသီအတွက်ပြင်ဆင်ဖို့ Dreams အသင်းဟာ အရည်အချင်းရှိတဲ့ မန်နေဂျာတစ်ယောက်ခေါ်ဖို့
စတင်ကြိုးစားပါတယ်….သူဌေးနဲ့စီမံရေးမန်နေဂျာတို့ဟာ လာရောက်အင်တာဗျူးတဲ့အထဲကမှ အကြိုက်ဆုံး(၂)ယောက်ကို
ရွေးထုတ်ထားတယ်… ဘေ့စ်ဘောအကြောင်းလုံးဝမသိဘဲ အရင်က လက်ပစ်ဘောအထွေထွေမန်နေဂျာနဲ့
တခြားအသင်းအချိို့မှာအလုပ်လုပ်ဖူးတဲ့ သူတစ်ယောက်နဲ့တောင် အင်တာဗျူးမှာရန်ဖြစ်ခဲ့ပါသေးတယ်….
နောက်တစ်နေ့မှာတော့စီမံရေးဌာနကတောင်မသိဘဲ ပိုင်ရှင်သူဌေးကိုယ်တိုင်က ဘေ့စ်ဘောအကြောင်းလုံးဝမသိတဲ့
အင်တာဗျူးမှာပြဿနာဖြစ်ခဲ့တဲ့သူကို အထွေထွေမန်နေဂျာအဖြစ်ခန့်အပ်လိုက်သတဲ့…
နည်းပြအဖွဲ့အကွဲအလွဲတွေ၊လေ့ကျင့်ရေးအထောက်အကူပြုပစ္စည်းချို့တဲ့မှုတွေ၊တန်းဆင်းဇုံကအသင်းမို့ ကစားသမားကောင်း
မလာချင်ငွေမသုံးနိုင်တဲ့အနေအထားတွေ၊ ကင်းထောက်အဖွဲ့တွေကစားသမားသင်းကွဲတွေနဲ့
ဘေ့စ်ဘောအကြောင်းမသိတဲ့အထွေထွေမန်နေဂျာတုိ့ ဆုံတွေ့ကြတဲ့အခါမှာတော့….
ဒီစီးရီးက ဘေ့စ်ဘော အားကစားနဲ့ဆိုင်တဲ့စီးရီးမို့
အတော်များများက ကြည့်ဖို့လက်ရှောက်ကြပါတယ်…ဒါပေမဲ့ အပိုင်းတစ်ဆုံးအောင်ကြည့်လိုက်တာနဲ့
ဆက်တိုက်ကြည့်ချင်သွားတယ်…အဓိကသရုပ်ဆောင်မင်းသား Nam Goong Min နဲ့ လိုက်ဖက်တာကြောင့်လည်းပါမယ်ထင်တယ်..
တစ်လျှောက်လုံး အပြုံးအရယ်လုံးဝမရှိပဲ ခပ်ထေ့ထေ့ မျက်ဝန်းတစ်ခုထဲနဲ့ ဇာတ်ကားတစ်ကားလုံးကို
သူမွှေနှောက်သွားတာ….အလန်းဆုံးကတော့ Plot Twistတွေပဲ…ဘာဆက်လုပ်မယ်ကို မှန်းမရတာ…
အကွက်ကြီးတွေက အလန်းကြီးဟ လို့ ထရေရွတ်မိအောင် အခန်းတိုင်းလုပ်နိုင်တယ်…မကြည့်ရသေးတဲ့သူတွေကြည့်ပါ..
အခေါက်ခေါက်အခါခါပြန်ကြည့်ချင်တဲ့စီးရီးထဲမှာလုံးဝပါပါတယ်..
