အမှောင်သခင်ကြီးပြန်လာတဲ့အချိန်ကစပြီး ဟယ်ရီတစ်ယောက် အမျိုးမျိုးသောအန္တရာယ်တွေ ဆက်တိုက်ကြုံတွေ့နေရပါတော့တယ်။ဇာတ်လမ်းအစပိုင်းမှာတင် မက်ဂယ်တွေနေတဲ့နေရာဆီ ရောက်ရှိလာတဲ့ မကောင်းဆိုးဝါးတွေကြောင့် ကျောင်းထုတ်ခံရတော့မလိုဖြစ်ခဲ့ပေမယ့် တရားရင်ဆိုင်ရာမှာ ဒမ်ဘဲဒေါလ်ကျေးဇူးနဲ့အနိုင်ရရှိခဲ့ပါတယ်။
ဟယ်ရီအကူအညီလိုတိုင်း ဖော်ဖော်ရွေရွေနဲ့ကူညီအကြံပေးတတ်တဲ့ ဒမ်ဘဲဒေါလ်က ထူးဆန်းစွာပဲ ဒီဖြစ်ရပ်ပြီးကတည်းက ဟယ်ရီ့ကိုသိသိသာသာပဲရှောင်နေခဲ့ပါတယ်။ အမှောင်သခင်ပြန်ရောက်လာတာကို မျက်မြင်တွေ့ခဲ့ရတဲ့ဟယ်ရီဟာ တခြားသူတွေကိုသတိပေးဖို့ကြိုးစားပေမယ့်လဲ မှော်ဝန်ကြီးဌာနကတော့ ပြင်းပြင်းထန်ထန်ငြင်းဆိုပြီး အလိမ်အညာအဖြစ်သာစွပ်စွဲခဲ့ပါတယ်။ဒါ့အပြင် ဟော့ဝပ်ကျောင်းအထိပါလွှမ်းမိုးခြယ်လှယ်လာတဲ့ မှော်ဝန်ကြီးဌာနကြောင့် ဟယ်ရီတို့ကျောင်းသားတတွေဟာ မှော်ပညာလက်တွေ့အသုံးပြုခွင့်ကိုပါတားမြစ်ခံရပါတော့တယ်။
ထူးဆန်းတဲ့အိပ်မက်တွေကြောင့် အန္တရာယ်နီးကပ်လာနေတာကိုသိတဲ့ဟယ်ရီတို့ဟာ တားမြစ်မှုတွေကြားကပဲ ဗိုဒီမော့ကိုရင်ဆိုင်နိုင်အောင် လျှို့ဝှက်တပ်မတော်ဖွဲ့ဖို့ကြံစည်ပါတော့တယ်။မှော်ဝန်ကြီးဌာနရဲ့တင်းကြပ်တဲ့စောင့်ကြည့်မှုတွေအောက်မှာ ဟယ်ရီတို့အကြံအစည်အောင်မြင်ပါ့မလား…ဟယ်ရီရဲ့ထူးဆန်းတဲ့အိပ်မက်တွေကရောဘာကြောင့်ဗိုဒီမော့နဲ့ပတ်သက်နေရတာလဲ…ဒမ်ဘဲလ်ဒေါရ်ကရော ဘယ်လိုအကြောင်းကြောင့်ဟယ်ရီ့ကိုရှောင်နေရတာလဲ…စတဲ့စိတ်လှုပ်ရှားဖွယ်အကြောင်းအရာတွေကို ဒီကားလေးထဲမှာပြန်လည်အဖြေရှာရင်း ကြည့်ရှုလိုက်ကြရအောင်ပါနော်…
Translated by - Nezu
Encoded by - Nezu
