Bossam: Steal the Fate Episode 2

“ဘိုဆမ်” ဆိုတာကတော့ ဂျိုဆွန်းခေတ်က ဓလေ့တစ်ခုပဲ ဖြစ်ပါတယ်။ ကံကြမ္မာကို ခိုးယူတယ် လို့ လည်း ခေါ်ပါတယ်။ ဘာလို့ အဲဒီလို ခေါ်ရတာလဲ ဆိုတာကတော့ ……. အိမ်ထောင်ပြန်ပြုလို့ မရတော့တဲ့ မုဆိုးမကို ညဘက်မှာ စောင်နဲ့ထုပ်ပြီး တိတ်တိတ်လေး ခေါ်လာပြီးတော့ လင်မယားအရာ မြောက်စေတာပဲ ဖြစ်ပါတယ်။ မုဆိုးမ ခိုးတဲ့ အလေ့အထ ပဲ ဖြစ်ပါတယ်။ ဒီဓလေ့ကြောင့်ပဲ ဘာအူ နဲ့ ဆူယောင်း မင်းသမီး တို့ တွေ့ဆုံခဲ့ကြတာပါ။ ဆူယောင်း မင်းသမီးက နိုင်ငံရေးအရ လက်ဆက်ခဲ့ရပြီး လက်ထပ်တဲ့နေ့မှာပဲ သတို့သား ဆုံးသွားတဲ့အတွက် အိမ်ထောင်မကျဘဲ မုဆိုးမ ဖြစ်ခဲ့ရပါတယ်။ ဘာအူကတော့ လူဆိုးသူခိုး တစ်ယောက် ဖြစ်ပြီး မုဆိုးမ ခိုးတဲ့ အလုပ်ကို လုပ်ကိုင်တဲ့သူပဲ ဖြစ်ပါတယ်။ ဘာအူက ဆူယောင်း မင်းသမီးကို မှားယွင်းခေါ်ဆောင်လာခဲ့ချိန်မှာတော့ …… ဒီဇာတ်လမ်းကတော့ ဂွမ်ဟယ် ဘုရင် လက်ထက်က အမျိုးသမီးတို့ရဲ့ အဖိနှိပ်ခံရတဲ့ ဘဝနဲ့ ချွတ်ခြုံကျမှုတွေကနေ ဖြစ်တည်လာတဲ့ အချစ်နဲ့ ဘဝ အကြောင်းကို အခြေတည် ရိုက်ကူးထားတာပဲ ဖြစ်ပါတယ်။ အပိုင်းပေါင်း ၂၀ ပါဝင်ပြီးတော့ စနေ၊ တနင်္ဂနွေနေ့တိုင်းမှာ တင်ဆက်ထားတာပဲ ဖြစ်ပါတယ်။