ဒီဇာတ်ကားကတော့ Pitch Perfectကားထဲက နာမည်ကြီးမင်းသမီး Anna Kendrickရဲ 2022နှစ်ကုန်မှာထွက်ရှိလာတဲ့ဇာတ်ကားလေးပါ ဒီဇာတ်ကားကတော့တကယ့်ကိုတွေးစရာတွေအများကြီးပေါ်ပေါက်လာစေမယ့်ဇာတ်ကားမျိုးပါ
ဇာတ်လမ်းအကျဥ်းချုပ်က အဲလစ်ဆိုတဲ့ကောင်မလေးက ဆိုင်မွန်ဆိုတဲ့သူ့ထက်အသက်အများကြီးကြီးတဲ့ပန်းချီဆရာနဲ့ချစ်ကြိုက်မိတယ်ဆိုင်မွန်ဆိုတာကလည်း အသက်ကြီးသလောက် လူကတော့ ကြီးကြီးကျယ်ကျယ်ဆိုတော့ အဲလစ်ကိုချုပ်ချယ်လိုက်တာကလည်းအတိုင်းအထက်အလွန်ပေါ့ ဒါပေမယ့် အဲလစ်ကလည်းဆိုင်မွန်ကိုချစ်ရှာတော့သူပြောတာပဲအဟုတ်ထင် ပြန်ပြီးလည်းမပြောရဲနဲ့ ဖြစ်နေတာပေါ့ အဲ့လိုနဲ့ တစ်နေ့မှာအဲလစ်ရဲသူငယ်ချင်းနှစ်ယောက်ဖြစ်တဲ့ ဆိုဖီနဲ့ တက်စ်တိုက တက်စ်ရဲ့မွေးနေ့အဖြစ်နဲ့ နယ်ဘက်ကသူ့ရဲ့ မိဘအိမ်ကိုခရီးထွက်ဖို အဲလစ်ကိုခေါ်ပါတယ် အဲလစ်ကလည်းသူ့ရည်းစားဆိုင်မွန်ကသူခရီးထွက်ဖိုကိုမလွှတ်မှာသိနေတော့ ဆိုင်မွန့်ကိုလိမ်ပြီးထွက်လာပါတယ် ဒီလိုနဲ့ အဲလစ်တိုသူငယ်ချင်းသုံးယောက်ကနယ်လေးကအိမ်ကိုရောက်လာပါတယ် အဲ့လိုရောက်လာတုန်းမှာပဲ အန်ဒရီယာဆိုတဲ့ကောင်မလေးပျောက်နေတယ်ဆိုပြီးနယ်ဘက်မှာလူတွေကလိုက်လံရှာဖွေနေတာနဲ့ရုတ်ရင်းဆန်ခန်တွေဖြစ်နေတဲ့အချိန်ပါပေါ့ ဒီမှာစိတ်ဝင်စားဖိုကောင်းတာက အန်ဒရီယာကကော ဘာလဲ ဘယ်သူလဲ သူကကော သွေးရိုးသားရိုးပျောက်နေတာလား သူသေသွားပြီလားဆိုတာတွေကလည်းစိတ်ဝင်စားစရာအနေနဲ့ပါဝင်နေပါတယ် တစ်ဖက်မှာကလည်း အဲလစ်က ဆိုင်မွန့်ကိုသူလိမ်လာတာကိုသိသွားမှာစိုးနေတာနဲ့ လုပ်မိလုပ်ရာတွေလျှောက်လုပ်မိနေပြန်ပါရော အဲလစ်က တက်စ်နဲ့ခဏခဏ ကတောကဆဖြစ်ရာကနေ တက်စ်နဲ့အဲလစ်ကရော ဘယ်လိုတွေဆက်ဖြစ်မလဲ တက်စ်ရဲ့မွေးနေ့ပါတီကကောဘယ်လိုဖြစ်လာမလဲ နောက်ပိုင်းဆိုင်မွန်သိသွားချိန်မှာရော အဲလစ်ကဘယ်လိုဖြစ်လာမလဲ ဆိုဖီတိုတက်စ်တိုကရော အဲလစ်ကိုဒီ Relationshipကနေထွက်နိုင်အောင်ဘယ်လိုလုပ်ကြမလဲဆိုတာကြည့်ရှုရမှာပါ
ဇာတ်ကားကတော့ Drama, Thriller အမျိုးအစားဆိုပေမယ့် တကယ့်ဇာတ်လမ်းရဲ့အဓိပ္ပါယ်ကဘာကိုရည်ညွှန်းချင်တာလဲဆိုတာကိုဇာတ်လမ်းမပြီးခင်အထိသိနိုင်မှာမဟုတ်ပါဘူး နောက်ပြီးတော့ ဒီဇာတ်ကားကသင့်ကို အချစ်ဆိုတာဘာလိုထင်လဲ တကယ်လို သင့်မှာရည်းစားရှိရင် သင်က Healthy Relationshipမျိုးပိုင်ဆိုင်ထားလားဆိုပြီးပြန်ပြီးမေးခွန်းထုတ်စေလောက်တဲ့ဇာတ်ကားမျိုးပါပဲ သင်ကရည်းစားမရှိတဲ့သူဆိုရင်တော့ စဥ်းစားမနေပါနဲ့ အချိန်ကုန်တယ်
Reviewed and Translated by Kim Shin Encoded by Aye Chan
