Caddo Lake (2024)
ဇာတ်လမ်းရဲ့အစမှာ အမေနဲ့ရန်တကျက်ကျက်ဖြစ်တတ်တဲ့ ဆယ်ကျော်သက်အဲလီက အိမ်ပေါ်ကဆင်းပြီး သူ့သူငယ်ချင်းအိမ်ကိုထွက်သွားတယ်။ တစ်ဘက်မှာ အသက် ၂၀ကျော် ပဲရစ်ဆိုတဲ့ကောင်လေးက သူ့အမေနဲ့ကားစီးလာရင်း ကားကတံတားပေါ်ကချော်ကြပြီး ပဲရစ်လွတ်သွားပေမဲ့ အမေဖြစ်သူကတော့ သေသွားခဲ့တယ်။
အဲလီ၊ သူ့အမေ၊ ပထွေးနဲ့ လင်ပါသမီးအန်နာတို့က ကတ်ဒိုရေကန်နားကအိမ်မှာနေကြတယ်။ တစ်ညရေကန်နားမှာ အဲလီရဲ့ညီမအန်နာက ပျောက်သွားတယ်။ အဲလီလည်း ရေကန်ရဲ့ရေခြောက်သွားတဲ့ဘက်အခြမ်းမှာ အန်နာ့ကိုလိုက်ရှာတယ်။ အဲလီဆက်မရှာတော့ဘဲ အိမ်ပြန်ရောက်တဲ့အချိန်မှာ လွန်ခဲ့တဲ့ ၃ရက်ကိုပြန်ရောက်နေတဲ့အကြောင်း သတိထားမိသွားတယ်။ အဲဒါနဲ့တုန်လှုပ်သွားပြီး ရေကန်မှာအန်နာ့ကိုပြန်လာရှာတော့ လွန်ခဲ့တဲ့တစ်လကိုပြန်ရောက်သွားမှန်း တွေ့လိုက်ရတယ်။ တကယ်တော့ ကတ်ဒိုရေကန်က ရေကျသွားတဲ့အခါ အချိန်အကူးပြောင်းလုပ်နိုင်ပါတယ်။
တစ်ဘက်မှာလည်း ပဲရစ်တစ်ယောက် ရေကန်ကိုသွားရင်းနဲ့ ၁၉၅၂ ခုနှစ်ကိုပြန်ရောက်သွားပါတော့တယ်။ အဲဒီမှာဒဏ်ရာရနေတဲ့ အန်နာ့ကိုတွေ့ပြီး သူ့အချိန် ၂၀၀၃ ကိုပြန်မရောက်ခင် အန်နာ့ကိုကယ်ခဲ့ပေမဲ့ ပဲရစ်ဟာ အဲလီရှိနေတဲ့ ၂၀၂၂ ခုနှစ်မှာပဲ ပိတ်မိသွားခဲ့ပါတယ်။
ဒီလိုနဲ့ ၈နှစ်အရွယ်အန်နာ ဆန်းကြယ်စွာပျောက်ဆုံးသွားတဲ့အချိန်မှာ အချိန်အမျိုးမျိုးကူးပြောင်းသွားရင်း အတိတ်ကသေဆုံးမှုတွေ ပျောက်ဆုံးမှုတွေက တစ်ခုနဲ့တစ်ခုအချိတ်ဆက်မိလာပြီး အဲလီတို့ရဲ့ ပျက်ဆီးနေတဲ့မိသားစုရဲ့သမိုင်းကြောင်းက လုံးဝပြောင်းလဲသွားခဲ့ပါတယ်။
ဒါဆိုရင် အဲလီက အန်နာ့ကိုပြန်ရှာတွေ့ခဲ့လား၊ ပဲရစ်နဲ့ အန်နာတို့က ဘာတော်လဲ၊ ဒီထဲကဇာတ်ကောင်အားလုံးက ဘယ်လိုတွေတော်စပ်ကြလဲဆိုတာကို အချိန်ခရီးသွားရင်းနဲ့ အဖြေရှာသွားမယ့်ကားလေးမို့လို့ Mystery ဆန်ဆန်ကြိုက်တဲ့ ပရိတ်သတ်တွေအတွက် ကွက်တိပဲဖြစ်ပါတယ်။
Translated & Reviewed by Bex
Encoded by Flashy
Yoteshin Drive ကဒေါင်းလုပ်လုပ်ချင်သူများအနေဖြင့် ဒီလင့် (နှိပ်ပါ) ကနေပြထားတဲ့အတိုင်း အရင်ဆုံးloginလေးဝင်ထားဖို့တော့လိုမယ်နော်
