” ဘဝက ဒီလိုမျိုးဖြစ်လိမ့်မယ်လို မင်းကို ဘယ်သူမှ မပြောခဲ့ဘူးပေါ့။
အလုပ်ကလည်း အဆင်မပြေ ဘိုင်ကပြတ် အချစ်ရေးက ကံဆိုးမိုးမှောင်ကျ။
အမြဲတမ်း ဘဝမှာ ရှေ့မရောက်နိုင်သလို ဖြစ်နေခဲ့ ဒီလိုအရာတွေက တစ်ရက်မက တစ်ပတ်မက တစ်လမက တစ်နှစ်တောင်မက ဖြစ်နေလည်းပဲ
ငါမင်းအတွက် ရှိနေပေးမယ် မိုးတွေစပြီးရွာသွန်းတဲ့ အချိန်မှာ။
ငါမင်းအတွက် ရှိနေပေးမယ် ငါအရင်တုန်းက ရှိနေပေးခဲ့သလိုပဲ။
ငါမင်းအတွက် ရှိနေပေးမယ် ဘာလိုလဲဆိုတော့ မင်းလည်း ငါ့အတွက်ရှိနေပေးမှာမိုလို…။ ”
ဒီ စာသားတွေဟာ ကမ္ဘာကျော် F.R.I.E.N.D.S စီးရီးရဲ့ Theme Song ထဲက ဖြစ်ပါတယ်။
ဒီ Series ကြည့်မိတဲ့သူတိုင်း ဒီသီချင်းလေးနဲ့ Intro ကို တစ်ခါမှ မကျော်ဖြစ်လောက်ဘူးထင်တယ်ဗျ။
ဟုတ်ပါတယ် ဒီသီချင်းထဲက စာသားတွေအတိုင်းပဲ အရမ်းကိုချစ်ကြတဲ့ အဓိကဇာတ်ဆောင် သူငယ်ချင်း ခြောက်ယောက်ကို တွေ့မြင်ရမှာပါ။
ဒီနေရာမှာ တစ်ခု highlight လုပ်ချင်မိတာက ဟာသ ဖြစ်အောင် ဇာတ်လမ်းဆင်ထားပုံပါ။ အဓိကအားဖြင့် ဇာတ်ကောင်တွေရဲ့ စရိုက်ကို အခြေခံပြီး ဟာသဖြစ်စေတာပါ။
ချန်ဒလာရဲ့ ရွဲတတ် ငေါ့တတ်တဲ့စရိုက်ကို ဂျိုဝီရဲ့ ဗဟုသုတနည်းပြီး အရိပ်ပြလိုအကောင်မထင်တတ်တဲ့ စရိုက်နဲ့ ပေါင်းစပ်လိုက်တဲ့အခါ…။
ခေတ်ရှေ့ပြေးပြီး ဖက်ရှင်တွေကိုစိတ်ဝင်စားတတ်တဲ့ ရေချယ်ရဲ့စရိုက်ကို ဒိုင်နိုဆောတွေကိုသဘောကျတဲ့ ရှေးဟောင်းပညာရှင် ဒေါက်တာဘွဲရ ရော့စ်ရဲ့စရိုက်နဲ့ ပေါင်းစပ်လိုက်တဲ့အခါ…။
အရာရာကို စည်းစနစ်ကျနေမှ သန့်ရှင်းသပ်ရပ်နေမှ နေသာထိုင်သာရှိတတ်တဲ့ ရော့စ်ရဲ့ညီမ မော်နီကာရဲ့စရိုက်ကို အများနဲ့မတူ တမူထူးခြားနေတဲ့ ဖီဘီရဲ့အကျင့်စရိုက်နဲ့ ပေါင်းစပ်လိုက်တဲ့အခါ…။
ဒီလိုမျိုး မတူညီတဲ့ စရိုက်တွေရှိနေကြတဲ့ သူငယ်ချင်းခြောက်ယောက်လုံး ထိပ်တိုက်တွေ့ဆုံကြတဲ့အခါမှာတော့ လုံးဝကို ဟာသကားကောင်း တစ်ခုဖြစ်လာစေတော့တာပါပဲ။
ဒီတော့…
English စာကိုလေ့လာချင်ရင် ဒီ seriesကို ကြည့်ဖြစ်အောင်ကြည့်ပါ။
American တွေရဲ့ Culture ကိုသိချင်ရင် ဒီ seriesကို ကြည့်ဖြစ်အောင်ကြည့်ပါ။
စိတ်ညစ်နေတဲ့အခါ စိတ်ကိုပေါ့ပါးသွားစေချင်ရင် ဒီ Seriesကို ကြည့်ဖြစ်အောင်ကြည့်ပါလို တိုက်တွန်းပါရစေ။
———————
Translated By- Jumper Neysman
Encoded By -Zoro
Resolution -480p
———————
