ပထမကားမှာတည်းက အရမ်းအောင်မြင်ခဲ့တဲ့ inside out က ဒုတိယအမြောက်အနေနဲ့ ထပ်ထွက်လာတဲ့အခါမှာလည်း ပရိတ်သတ်စိတ်ဝင်စားမှုတွေ အများကြီးရခဲ့ပါတယ်။
ပထမကားမှာ ရိုင်လီကလေးလေးပဲရှိသေးပေမဲ့ ဒုတိယကားမှာတော့ ရိုင်လီက အရွယ်ရောက်ချိန် ဆယ်ကျော်သက်လေးဖြစ်နေပါပြီ။ ရိုင်လီက ဟော်ကီအားကစားမှာထူးချွန်တဲ့အတွက် ရိုင်လီနဲ့ နောက်ထပ်သူငယ်ချင်းနှစ်ယောက်တိုက နည်းပြရောဘတ်ရဲ့အထူးစခန်းမှာလေ့ကျင့်ဖို ကမ်းလှမ်းခံလိုက်ရပါတယ်။
ဒီစခန်းမှာ သေချာအစွမ်းပြနိုင်ရင် ရိုင်လီသဘောကျတဲ့ ဖိုင်းယားဟော့အသင်းမှာ ဝင်ခွင့်ရမယ့်အပြင် ပညာသင်ဆုပါရနိုင်မှာဆိုတော့ ရိုင်လီ့အနေနဲ့ အရမ်းစိတ်လှုပ်ရှားနေခဲ့ပါတယ်။
ဒါပေမဲ့ရိုင်လီ့ရဲ့ ငယ်ဘဝခံစားချက်တွေအပြင် ဆယ်ကျော်သက်ဘဝ ခံစားချက်တွေဖြစ်တဲ့ စိုးရိမ်ပူပန်တာ၊ အားကျတာ၊ ရှက်တတ်တာ၊ ငြီးငွေ့တာ၊ ရွဲတာတွေ ဖြစ်လာတဲ့အချိန်မှာ ငယ်ဘဝရဲ့ခံစားချက်တွေဖြစ်တဲ့ ပျော်ရွှင်၊ ဒေါသ၊ ဝမ်းနည်း၊ ကြောက်ရွံ၊ ရွံရှာတိုလို ခံစားချက်တွေနဲ့ သဟဇာတမဖြစ်တော့ဘဲ ဆယ်ကျော်သက်ရိုင်လီတစ်ယောက် ခံစားချက်တွေရှုပ်ထွေးပြီး ကိုယ်ဘယ်လိုလူလဲဆိုတဲ့အတ္တပါ ပျောက်သွားခဲ့ပါတော့တယ်။
ကိုယ့်အကြောင်းကိုယ်ပါ သေချာမသိတော့တဲ့ရိုင်လီဟာ စိုးရိမ်ပူပန်စိတ်တွေအားကြီးလာပြီး လေ့ကျင့်ရေးစခန်းမှာ ဘယ်လိုအမှားတွေလုပ်မိမလဲ၊ ကိုယ့်ကိုယ်ကိုမသိတော့တဲ့ရိုင်လီ့ကို ပျော်ရွှင်တိုက ဘယ်လိုပြန်ကူညီပေးမလဲဆိုတာ စိတ်ဝင်စားဖိုကောင်းစွာ ကြည့်ရပါလိမ့်မယ်။
ရိုင်လီ့ရဲ့အရွယ်ရောက်လာချိန် ကြုံလာရတဲ့အခြေနေလေးတွေ ခံစားချက်တွေရဲ့ အရေးပါပုံတွေကိုပါ တွေးတောနိုင်အောင်လို ဖန်တီးထားတာမို ကလေးရောလူကြီးပါ ကြည့်ရှုရကျိုးနပ်စေမှာပဲဖြစ်ပါတယ်။
Translated & Reviewed by Bex
Encoded by Flashy
Yoteshin Drive ကဒေါင်းလုပ်လုပ်ချင်သူများအနေဖြင့် ဒီလင့် (နှိပ်ပါ) ကနေပြထားတဲ့အတိုင်း အရင်ဆုံးloginလေးဝင်ထားဖို့တော့လိုမယ်နော်
