Juror2 (2024)
ဂျက်စတင်ဟာ တစ်ချိန်တုန်းက သူရှာခဲ့တဲ့ပြဿနာတွေကနေ သင်ခန်းစာယူရင်း လူသစ်စိတ်သစ်နဲ့ သာယာတဲ့အိမ်ထောင်ရေးကို တည်ဆောက်ဖို့ ကြိုးစားနေသူတစ်ယောက်ပါ တစ်နေ့မှာတော့ ဂျက်စတင်ဟာ ပြဿနာမရှာတော့ပေမဲ့ ပြဿနာက ဂျက်စတင့်ကို လာရှာပါတော့တယ် ဒီပြဿနာဟာ ဂျက်စတင့်ကို လူသတ်မှုတစ်ခုအတွက် အကဲဖြတ်ပေးဖို့ ဂျူရီအဖွဲ့ဝင်အဖြစ် ထမ်းဆောင်စေရာကနေ စတင်ခဲ့ပါတယ်
ဒီလိုနဲ့ပဲ ဂျက်စတင်ဟာ ကိုယ်ဝန်ဆောင်ဇနီးသည်ကိုထားခဲ့ပြီး တရားခွင်ကိုသွားခဲ့ပါတယ် အမှုကတော့ ကန်ဒယ်ကာတာဆိုတဲ့ မိန်းကလေးအသတ်ခံရမှုအတွက် သူမရဲ့ချစ်သူဂျိမ်းစ်ဆိုက်သ်ဆိုသူကို တရားစွဲဆိုထားတာပါ ဖြစ်ချင်တော့ လူသတ်မှုဖြစ်ခဲ့တဲ့ အောက်တိုဘာလ(၂၅)ရက်ည အခင်းဖြစ်ပွားရာနေရာမှာ ဂျက်စတင်ဟာလည်း ကားမတော်တဆမှုဖြစ်ခဲ့ပါတယ် သမင်တစ်ကောင်ကို တိုက်ခဲ့မိတာလို့ ထင်ခဲ့တဲ့ ဂျက်စတင်ဟာ ကန်ဒယ်ကာတာကို တိုက်မိခဲ့တာများ ဖြစ်နေမလားဆိုတဲ့ ထင်ယောင်ထင်မှား အတွေးတွေ ဝင်ရောက်လာပါတော့တယ် ဒီလိုနဲ့ ဂျူရီအဖွဲ့ဝင်တွေဟာ ဂျိမ်းဆိုက်ကို အပြစ်ရှိ၊မရှိမဲပေးရာမှာတော့ ဂျက်စတင်ရဲ့ ထောက်ပြချက်ကြောင့် ဂျူရီအဖွဲ့သားတွေဟာ တစ်ယောက်နဲ့တစ်ယောက် အမြင်တွေဖလှယ်ကြရင်း အမှုအပေါ်မှာ ဝေခွဲမရဖြစ်လာပါတော့တယ်
သက်သေအထောက်အထားအားလုံးဟာလည်း ဂျိမ်းဆိုက်သ်ကိုပဲ လူသတ်သမားအဖြစ် ညွှန်ပြနေသလို တစ်ဖက်မှာလည်း ဖြစ်နိုင်ခြေတွေတွက်ဆရင်း အမှုမှန်ကို ဖော်ထုတ်ဖို့ကြိုးစားကြပါတယ် ကန်ဒယ်ကာတာကို သတ်ခဲ့တဲ့ လူသတ်သမားဟာ ဘယ်သူဖြစ်မလဲ ဂျိမ်းစ်ဆိုက်သ်ကရော နောက်ဆုံးမှာ ဘယ်လိုအဆုံးသတ်သွားမလဲ အမှန်တရားကရော တရားမျှတမှုဖြစ်နိုင်မှာလားဆိုတာကိုတော့ ဆက်လက်ကြည့်ရှုကြရမှာပါ ဒီဇာတ်ကားပြီးဆုံးသွားချိန်မှာတော့ ကိုယ်ကိုယ်တိုင်သာ ဒီအမှုကိုစီရင်ချက်ချရမယ်ဆိုရင် ဘယ်လိုများဆုံးဖြတ်ဖြစ်မလဲဆိုတဲ့ အတွေးတစ်စဝင်လာမိစေမှာ အသေချာပါပဲ
Translated & Reviewed by Hyo
Encoded by Flashy
Yoteshin Drive ကဒေါင်းလုပ်လုပ်ချင်သူများအနေဖြင့် ဒီလင့် (နှိပ်ပါ) ကနေပြထားတဲ့အတိုင်း အရင်ဆုံးloginလေးဝင်ထားဖို့တော့လိုမယ်နော်
