ဇာတ်လမ်းအကျဉ်း
Three Kingdoms 2010 ဇာတ်လမ်းတွဲကြီး က
Romance Of The Three Kingdoms ကို မှီငြမ်းပြီး ရိုက်ထားတာပါ။ Gamer အများစုကတော့ Three Kingdoms နဲ့ စိမ်းမယ် မထင်ပါဘူး။
ဒါရိုက်တာ Gao Xixi က ရိုက်ကူးပြီး ဒီဇာတ်လမ်းတွဲကို ရိုက်ကူးဖို့ အချိန် ၅ နှစ်ကြာအောင် အဖက်ဖက်က ပြင်ဆင်ရိုက်ကူးခဲ့တာပါ။Budget ကို 30 Million USD ထိ သုံးစွဲခဲ့တာဖြစ်ပြီး၊မူရင်း Romance Of The Three Kingdoms ဝတ္ထုမှာ အပိုင်း (၁၂၀) ရှိပါတယ်။ဇာတ်လမ်းတွဲမှာတော့ ရိုက်ကူးသည့်အခါမှာ အပိုင်း ( ၉၅) ပိုင်း သာ ရိုက်ကူးခဲ့တာပါ။
ဒါပေမယ့် ဒီကားရဲ့ အောင်မြင်မှုကလဲ မသေးပါဘူး။နိုင်ငံပေါင်း ၂၀ ကျော်မှာ တစ်ပြိုက်နက်တည်း ရုံတင်ပြသခဲ့ပြီး ဝင်ငွေ ယွမ်သန်း ၈၀၀ နီးပါး ပြန်ရှာပေးနိုင်ခဲ့ပြီး ထုတ်လွှင့်ပြသတိုင်း ယွမ်ငွေ ၁.၈ သန်းနီးပါ ရရှိနေပါသေးတယ်။ Movies တွေ Video Gameတွေ TV Series တွေ အနေနဲ့ ကို ပြန်ပြခဲ့ရတာပါ။
ဇာတ်လမ်းတစ်ခုလုံးကို သစ္စာ၊ မေတ္တာ၊ အကောင်း၊ အဆိုး၊ သတ္တိ စသည့်အချက်တွေနဲ့ ထုံးမွှမ်းထားပြီး၊လူ့လောကကြီးမှာ လျိူပေ့လို ကျရှုံးခဲ့ရင် ပြန်ထမလား၊ အသေခံမလား၊ လောဘ၊ တဏှာတွေကြောင့် အသက်ဆုံးရှုံးခဲ့ရတဲ့တုန်းကျောဇ့်၊ သတ္တိရှိပေမယ့် သစ္စာကင်းမဲ့ပြီး ဉာဏ်ပညာနည်းပါးတဲ့ လွီပု စသည့် ဇာတ်ကောင်တစ်ခုချင်းစီရဲ့ စရိုက်ကိုကြည့်ပြီး သင်ခန်းစာယူစရာတွေလဲ ပါဝင်နေပါတယ်။
ဒီဇာတ်လမ်းထဲမှာ အကြိုက်ဆုံး ဇာတ်ကောင်ကို ပြောပါဆို ချောင်ချောင် (Cao Cao) နေရာကနေ သရုပ်ဆောင်သွားတဲ့ မင်းသားကြီး ချန်ကျန့်ပင်(Chen Jianbin) ပါ ။
လျိူပေ့ (Liu Bei)လည်း အမြဲတမ်း အရှုံးနဲ့ရင်ဆိုင်နေရပေမယ့် အမြဲတမ်း ပြန်ရပ်တည်နိုင်အောင် ကြိုးစားရုန်းကန်ပုံ၊ မာန်မာနမရှိတဲ့ မျက်နှာ၊ ရှုံးနိမ့်မှုကြောင့် အားငယ်နေခ်ျိန်တိုင်း ဘေးမှာအမြဲတမ်း ရှိနေပေးတတ်တဲ့ စစ်မှန်တဲ့ သစ္စာရှင် ညီငယ် ၂ ယောက်၊ ကျူးကော့လျန့်(Zhuge Liang)ရဲ့ စစ်ဗျူဟာကွက်တွေ စသည်ဖြင့် မှတ်သားစရာတွေ ပါနေလို့ ကြည့်သင့်တဲ့ ဇာတ်လမ်းကောင်း တစ်ခုဖြစ်ပါတယ်။
