ကမ္ဘာကြီးရဲ့လူသားတွေဟာ ရုပ်ကြွင်းလောင်စာတွေကို အလွန်အကျွံအသုံးပြုပြီးနောက်ပိုင်း ကမ္ဘာမြေကြီးပျက်စီးကာ ဒုက္ခရောက်ခဲ့ကြပါတယ်။ အဲ့အချိန်မှာပဲ ဇီဝသိပ္ပံပညာရှင်အဖွဲ့က အမြဲစွမ်းအင်ပေးနိုင်မယ့် အဖြူရောင်သစ်ခွကို ရှာတွေ့ခဲ့ပြီး မြို့သစ်တစ်ခုကိုတည်ထောင်ထားပါတယ်။ ဒီမြို့ကြီးမှာတော့ အပိုင်း ၂ ပိုင်းခွဲထားပါတယ်။ လူတိုင်းဟာ သူတို့ရဲ့ အသက် ၁၆ နှစ်မတိုင်ခင်အထိ အဆောင်နေပြီး ကျောင်းတက်ကာ သမိုင်းကြောင်းတွေကို သင်ယူရပါတယ်။ ၁၆နှစ်ပြည့်တဲ့နေ့ရောက်ရင်တော့ သူတို့ဘဝရဲ့ အချိုးအကွေ့ဖြစ်တဲ့ အပြစ်အနာအဆာတွေကို တစ်ကိုယ်လုံးခွဲစိတ်ပြီး လှပသူတွေအနေနဲ့ မြို့ပြကြီးမှာ အချိန်ပြည့် ပျော်ပါးကြည်နူးပြီး နေကြပါတယ်။ တာလီဟာ သူ့ရဲ့ လေးနှစ်တာ သူငယ်ချင်း ပဲရစ်တစ်ယောက် ခွဲစိတ်မှုခံယူပြီးနောက်ပိုင်း သူတို့ကတိပေးထားတဲ့အတိုင်း တံတားကိုရောက်မလာတာကြောင့် မြို့ထဲကို ခိုးဝင်တဲ့အချိန်မှာပဲ အစောင့်တွေရဲ့ လိုက်ဖမ်းခြင်းကို ခံခဲ့ရပါတယ်။
အဲ့အချိန်မှာပဲ သူ့ကို လာကယ်ပေးခဲ့တဲ့ ရှေးဆိုတဲ့ ကောင်မလေးနဲ့ သူငယ်ချင်းထပ်ဖြစ်သွားပါတယ်။ ရှေးကတော့ ခွဲစိတ်မှုကို လုံးဝမခံယူဖို့ ဆုံးဖြတ်ထားပြီး The Smokeဆိုတဲ့ နေရာမှာ ခွဲစိတ်မှုကိုမခံယူဘဲ ကိုယ့်အစစ်အမှန်အတိုင်း နေနေကြတဲ့သူတွေနဲ့ သွားနေမယ်လို့ ဆုံးဖြတ်ထားကာ တာလီ့ကိုပါ လိုက်ခဲ့ဖို့ ဖျောင်းဖြခဲ့ပါတယ်။ ဒါပေမယ့် တစ်ဘဝလုံး လှပဖို့ မက်ခဲ့ရတဲ့ အိပ်မက်မို့ တာလီလည်း ငြင်းပယ်ခဲ့ပေမယ့် ရှေးဟာ အဲ့ကိုလာဖို့ မြေပုံကို ပေးခဲ့ပါတယ်။ ၁၆နှစ်ပြည့်ဖို့ ခွဲစိတ်မှုခံယူရမယ့်နေ့မှာ တာလီ့ကို မြို့ပြရဲ့ ခေါင်းဆောင်ဖြစ်သူ ဒေါက်တာ ကေဘယ်က လှမ်းခေါ်ပြီး ရှေးဟာ The Smokeရဲ့ခေါင်းဆောင် ဒေးဗစ်ရဲ့ သိမ်းသွင်းခြင်းကို ခံလိုက်ရတာဖြစ်ပြီး သူ့ကို သွားကယ်ဖို့ ဒေးဗစ်တို့ဟာ မြို့ပြကိုဖျက်စီးဖို့ လက်နက်ကို ပြင်ဆင်နေတဲ့အတွက် တာလီ့ကို တာဝန်ပေးပြီး လွှတ်လိုက်ပါတော့တယ်။ တာလီတစ်ယောက် The Smokeကို ရောက်သွားတဲ့အခါ ဒေးဗစ်နဲ့ တွေ့တဲ့အခါ ရှေးကိုရော ကယ်တင်နိုင်ပါ့မလားဆိုတာ ကြည့်ရှုရမယ့် ကားကောင်းလေးပဲဖြစ်ပါတယ်။
Translated & Reviewed by Win Htut
Encoded by Flashy
Yoteshin Drive ကဒေါင်းလုပ်လုပ်ချင်သူများအနေဖြင့် ဒီလင့် (နှိပ်ပါ) ကနေပြထားတဲ့အတိုင်း အရင်ဆုံးloginလေးဝင်ထားဖို့တော့လိုမယ်နော်
