ဒီတစ်ခေါက် မိတ်ဆက်ပေးချင်တဲ့ ထိုင်းဇာတ်လမ်းတွဲလေးကတော့ ကျွန်တော်တို့ရဲ့အချစ်တော် ထိုင်းမင်းသမီး Davika Hoorne ပါဝင်သရုပ်ဆောင်ထားတဲ့ Wanthong (2021) ဆိုတဲ့ ဇာတ်လမ်းတွဲလေးဖြစ်ပါတယ်…
ဇာတ်လမ်းအကျဉ်းကိုပြောပြရမယ်ဆိုရင်တော့… အယုဒ္ဓယခေတ်ပိုင်းလောက်က ဝမ်ထုန် ရယ် ၊ ခွန်ချန် ရယ် ၊ ခွန်ပန် ရယ်ဆိုပြီး ငယ်သူငယ်ချင်းသုံးယောက်ရှိကြပါတယ်။ ခွန်ချန် နဲ့ ခွန်ပန် က ယောင်္ကျားလေး ချင်းတူပေမယ့် ဂုဏ်ဓနမှာဆိုရင်တော့ ဘုရင်မင်းမြတ်ထံခစားရတဲ့ စစ်သူကြီးရဲ့သား ခွန်ပန် နဲ့ တော်ဝင်မျိုးနွယ်တွေနဲ့ အဆက်အသွယ်ရှိတဲ့ ခွန်ချန် တို့မျိုးရိုးကတော့ ဘယ်လိုမှကိုနှိုင်းယှဉ်လို့မရခဲ့ပါဘူး။ နောက်ပိုင်းအသက်တွေတဖြည်းဖြည်းကြီးလာကြတဲ့အချိန်မှာတော့ ဝမ်ထုန် နဲ့ ခွန်ပန် က ကြိုးချင်းထား ကြိုးချင်းငြိဆိုသလိုပဲ ငြိသွားကြပါတော့တယ်။
တစ်ဖက်မှာတော့ ဝမ်ထုန့် ကို အသေရရ အရှင်ရရ လိုချင်နေတဲ့ ခွန်ချန်ကတော့ ကာယကံရှင်ရဲ့ အချစ်ကိုမရတော့ မိဘအားကိုးနဲ့တောင်းဖို့ကြံပါတော့တယ်။ သို့ပေမယ့် ဒဿဂီရိနဲ့ အမျိုးတော်တဲ့ ခွန်ချန် ကို ဝမ်ထုန်ကမနှစ်သက်နိုက်လို့ သူ့ချစ်သူ ခွန်ပန် ခေါ်ရာနောက်ကို မျက်လုံးစုံမှိတ်ကာ ခိုးရာလိုက်ပြေးသွားပါတော့တယ်။ ခိုးရာလိုက်ပြေးမှတော့ မထူးဇာတ်ခင်း လက်ထပ်ကြပြန်တော့လည်း အချစ်စစ်တို့သွားရာလမ်းဟာမဖြောင့်တန်းသလိုပဲ ဆူးငြောင့်ခလုတ်လေး ခွန်ချန်ရဲ့ အမျိုးမျိုးသော နှောက်ယှက်ခြင်းတွေကိုခံစားရပါတော့တယ်။ ဒဿဂီရိ မျိုးဆက်သစ်လေး ခွန်ချန် ရဲ့ လိုက်နှောက်ယှက်ပုံတွေကတော့ တော်တော်လေးစိတ်ဝင်စားဖို့ကောင်းတာမို့လို့ ဇာတ်လမ်းထဲမှာစောင့်ကြည့်ကြဖို့တိုက်တွန်းလိုက်ရပါတယ်ခင်ဗျာ။
( အင်တာနက်ဈေးတွေတက်တော့မှာဆိုတော့ မတက်ခင်ကြိုဒေါင်းထားသင့်တဲ့ ဇာတ်လမ်းတွဲလေးတစ်ခုဖြစ်ကြောင်း သတင်းကောင်းပါးလိုက်ရပါတယ်ခင်ဗျာ။)
-+-+-+-+-+-+-+-+-+-+-
(Msub Yoteshinနှင့်ပူးပေါင်းတင်ဆက်သည်)
Translated by – Hsu Htet, Berry, Kizu , Channie , Luna , JIm, Honeyey
Encoded by – Nezu
