ဒီတစ်ခါမှာတော့ Yi Xuan Kingston၊ Peng Zi Ye Leo၊ Sing၊ Ethan Gu၊ Jonathan Hou တို ပါဝင်ထားတဲ့ Hong Kong BL Crime Romance ဇာတ်လမ်းတွဲအသစ်လေးနဲ့ မိတ်ဆက်ပေးချင်ပါတယ်။
Mok Fei Foon ဟာ အမှုတစ်ခုကို စုံစမ်းဖိုအတွက် ရာဇဝတ်လောကထဲကို Undercover အနေနဲ့ ဝင်ရောက်လာတဲ့ ရဲတစ်ယောက်ပါ။ အဲဒီလိုနဲ့ အမှုလိုက်ရင်း Tin Ping Group ရဲ့ CEO ဖြစ်တဲ့ Hui Loek To နဲ့ မမျှော်လင့်ဘဲ ဆုံတွေ့ခဲ့ပြီး အစပိုင်းမှာတော့ ကိုယ်စီရည်ရွယ်ချက်တွေနဲ့ တစ်ယောက်ကိုတစ်ယောက် သတိထားနေစောင့်ကြည့်ရင်းနေခဲ့ကြတာပါ။
ဒါပေမဲ့ အမှုကို ဆက်လက်စုံစမ်းရင်း သူတိုနှစ်ယောက်ရဲ့ ဆက်ဆံရေးကလည်း မမျှော်လင့်ထားတဲ့ပုံစံနဲ့ ပြောင်းလဲလာပါတော့တယ်။ ဒါပေမဲ့ Fei Foon ရဲ့ တကယ့်အထောက်အထားနဲ့ Loek To ရဲ့ ဖုံးကွယ်ထားတဲ့အရာတွေ ပေါ်လာတဲ့အခါမှာတော့ သူတိုကြားက ယုံကြည်မှုကရော ဘယ်လောက်အထိများ ခိုင်မြဲနိုင်မလဲ…
တစ်ဖက်မှာလည်း သူတိုစုံစမ်းနေတဲ့အမှုက ပိုမိုရှုပ်ထွေးလာပြီး ရာဇဝတ်လောကနဲ့ ဆက်နွယ်နေတဲ့ အန္တရာယ်တွေက သူတိုနှစ်ယောက်အနားကို တဖြည်းဖြည်း ရောက်ရှိလာပါတော့တယ်။ ကိုယ်တိုင်က အမှုမှန်ဖော်ထုတ်ဖို ဝင်ရောက်လာတဲ့ ရဲတစ်ယောက်ဖြစ်နေပေမယ့် ချစ်မိလာတဲ့သူကို အန္တရာယ်ကနေ ကာကွယ်ရမဲ့အခြေအနေ ရောက်လာတဲ့အခါ Fei Foon တစ်ယောက် ဘယ်လိုရွေးချယ်သွားမလဲ…
အမှုမှန်ကို ဖော်ထုတ်ဖိုအတွက် စတင်ခဲ့တဲ့ ဆက်ဆံရေးက အချစ်အဖြစ် ပြောင်းလဲလာတဲ့အချိန်မှာ သူတိုနှစ်ယောက်ရဲ့ လျှိဝှက်ချက်တွေကရော ဘယ်လိုပုံစံနဲ့ ပေါ်လာမလဲ၊ အမှန်တရားအားလုံး သိသွားတဲ့အခါမှာ သူတိုရဲ့အချစ်က ဆက်လက်ရှင်သန်နိုင်မလား၊ ဒါမှမဟုတ် တစ်ယောက်ကိုတစ်ယောက် ရန်သူတွေအဖြစ် ပြန်ရင်ဆိုင်ကြရမလားဆိုတာကို ကိုယ်တိုင်ကြည့်ရှုခံစားလိုက်ရအောင်နော်။
