ဒါကတော့ တတိယမြောက်ထွက်ရှိတဲ့ Insidious ကားလေးဖြစ်ပြီးတော့ ပထမဆုံးထွက်ရှိတဲ့ကားရဲ့ အချိန်မတိုင်ခင် ဒယ်တွန်နဲ့မတွေ့ခင် အချိန်လောက်ကို ရိုက်ကူးထားတာပါ။
အဲလစ်ရဲ့အမျိုးသားဖြစ်သူဟာ စိတ်ကျရောဂါနဲ့ သူ့ဟာသူသတ်သေသွားခဲ့ပြီး နှုတ်ဆက်စကားတောင် ပြောခွင့်မရခဲ့တဲ့အတွက် အဲလစ်တစ်ယောက် တမလွန်လောကဆီလိုက်ပြီးရှာဖို့ ကြိုးစားခဲ့ပါတယ်။ ဒါပေမဲ့ သူနဲ့အတူမကောင်းတဲ့ဝိညာဥ်တစ်ကောင်က ပြန်လိုက်လာခဲ့ပြီးတော့ သူ့ကိုသတ်ပစ်မယ်လို့အမြဲခြိမ်းခြောက်နေလို့ အဲလစ်တစ်ယောက် ဒီအလုပ်ကိုဆက်မလုပ်ဘဲ စွန့်လွှတ်လိုက်ပါတယ်။
အဲဒီလိုနေနေရင်းနဲ့ တစ်နေ့မှာတော့ ကွင်းဆိုတဲ့ကောင်မလေးတစ်ယောက်က သေဆုံးသွားတဲ့သူ့အမေနဲ့ စကားပြောချင်ကြောင်း ပြောလာပါတယ်။ ဒီအလုပ်ကိုမလုပ်တော့ပေမဲ့ သနားတဲ့စိတ်ကြောင့် ဝိညာဥ်လောကဆီကို အဲလစ်ကြည့်ပေးခဲ့ချိန်မှာတော့ ကွင်းရဲ့အနားမှာ အရမ်းကိုဆိုးဝါးတဲ့မကောင်းဆိုးဝါးတစ်ကောင်က သူ့အမေဟန်ဆောင်ပြီးနေတာကို တွေ့လိုက်ရပါတယ်။
ကွင်းကိုသူ့အမေကိုထပ်မဆက်သွယ်ဖို့ပြောပြီး ပြန်လွှတ်လိုက်ပေမဲ့ မကောင်းဆိုးဝါးက ကောင်မလေးရဲ့ဝိညာဥ်ကိုအမှောင်လောကထဲဆွဲခေါ်ဖို့ ကြိုးစားလာချိန်မှာတော့ အဲလစ်တစ်ယောက် ဘာဆက်လုပ်မလဲ။ သူ့ရဲ့အကြောက်တရားတွေကို ကျော်လွန်ပြီးတော့ ကွင်းကိုကူညီနိုင်ပါ့မလား။ ကွင်းရဲ့ဝိညာဥ်ကို မကောင်းဆိုးဝါးလက်ထဲက ကယ်တင်နိုင်ဖို့ သူတို့တွေဘာတွေလုပ်ကြမလဲဆိုတာကိုတော့ ဒီကားလေးမှာရှုစားရမှာဖြစ်ပါတယ်။
Translated by – Nezu
Encoded by – Nezu
