Netflix ကနေ အပတ်စဉ် စနေ နဲ့ တနင်္ဂနွေနေ့တိုင်း
ထုတ်လွင့်ပြသခဲ့တဲ့Crush Landing On You ဆိုတဲ့ စီးရီးလေးဟာဆိုရင်အရမ်းကောင်းတဲ့ တီဗီစီးရီးတစ်ခုဖြစ်ပါတယ်
ဇာတ်လမ်းပုံစံကတော့
ယွန်းဆယ်ရီ ဆိုတဲ့ ကောင်မလေး ဟာ ကိုရီးယားနိုင်ငံရဲ့ နာမည်ကြီး ကွင်းစ် လုပ်ငန်းစု ဥက္ကဌ ရဲ့
သမီးအငယ်ဆုံးလေး ဖြစ်ပြီး မိမိ အရည်အချင်းကို မိမိသာ ယုံကြည်ပြီး စီးပွားရေးလုပ်ငန်းတစ်ခုကို
ကိုယ်တိုင် တည်ထောင်ပြီး အောင်မြင်အောင် လုပ်နိုင်သူ ဖြစ်ပါတယ်
ယွန်းဆယ်ရီ ရဲ့လုပ်ငန်းကတော့ အားကစားပစ္စည်းများ ဖက်ရှင်ပစ္စည်းများဖြစ်ပြီး
လုပ်ငန်းပိုင်းဆိုင်ရာ ပါးနပ်ကျွမ်းကျင်မှု နဲ့ စီမံခန့်ခွဲမှုမှာ တော်တဲ့အတွက်
အလွန်အောင်မြင်နေသူ တစ်ဦးပါ…
ဒီအတိုင်းအတာမှာပဲ ဖခင်ဖြစ်သူဟာ ငွေကြေးအမှု တစ်ခုကြောင့်
ယာယီထိန်းသိမ်းခံနေရာကနေ ပြန်လွှတ်လာပြီး သူ့ပိုင်ဆိုင်မှု လုပ်ငန်း ဥက္ကဌ အဖြစ်
သားသမီးတွေ အားလုံးထဲကမှ သမီးအငယ်ဆုံးလေး ယွန်းဆယ်ရီ အား ပေးအပ်ခဲ့ပြန်ပါတယ်
အောင်မြင်မှုတွေ ချမ်းသာမှုတွေ ဝန်းရံနေပြီ ဖြစ်တဲ့ ယွန်းဆယ်ရီ တစ်ယောက်
ဥက္ကဌ ရာထူးကို မယူမှီ တစ်ရက် အလိုမှာ သူမ လုပ်ငန်းက ထုတ်တဲ့
အပျော်စီး လှေထီး တစ်ခုအား စမ်းစီးပြရန် ပြုလုပ်တဲ့ နေ့မှာပဲ
ကံကြမ္မာက သူမ ဆီကို အလွဲတွေ စတင်ယူဆောင်လာခဲ့ပါတော့တယ်…
