ဒီဇာတ်ကားလေးကတော့ အားလပ်ရက် အပန်းဖြေကြည့်လိုကတော့ စူပါဟီးရိုးကာတွန်းကားလေးဆိုရင် မမှားပါဘူး။ ဇာတ်လမ်းအကျဉ်းကတော့ ဟဒ်ဗင့်ဂ်ရဲ့ အဖေ လိုက်ဖ်ဟာ လူသူသိမခံဘဲ မျိုးရိုးအစဉ်ဆက် လက်ဆင့်ကမ်းလာခဲ့တဲ့ စူပါခြင်္သေ့ဝတ်စုံနဲ့ မြိုရဲ့ စူပါဟီးရိုးတစ်ယောက်ပါ။ ဟဒ်ဗင့်ဂ်ဟာလည်း တစ်နေ့မှာ သူ့အဖေရဲ့နေရာကို အမွေဆက်ခံရမယ့်သူဆို မမှားပါဘူး။ ဒါပေမယ့် အသက်တွေကြီးလာတာနဲ့အမျှ အမေလည်းဆုံးပါးပြီးနောက်ပိုင်း အဖေဖြစ်သူဟာလည်း စူပါဟီးရိုးအလုပ်နဲ့ပဲ အချိန်ပေးတော့သလို ဟဒ်ဗင့်ဂ်လည်း လေ့ကျင့်ခန်းမလုပ် အခန်းတွင်းအောင်းကာ ဂိမ်းတွေသာဆော့နေပါတော့တယ်။
ဒီလိုနဲ့ တစ်နေ့ သူ့အဖေရဲ့စေခိုင်းချက်နဲ့ အဖေ့ရဲ့စူပါခြင်္သေ့ဝတ်စုံကို အဝတ်လျှော်စက်ထဲထည့်ရင်း ခလုတ်မှားနှိပ်မိတာကြောင့် မျိုးရိုးအစဉ်ဆက်ကမ်းလာခဲ့တဲ့ တစ်ခုတည်းသော ဝတ်စုံက ကျုံသွားပါတော့တယ်။ ဝတ်ဆင်သူရဲ့ အားသာချက်တွေအပြင် အားနားချက်တွေကို မြှင့်တင်ပေးနိုင်တဲ့ စူပါဝတ်စုံကို ဝတ်လိုမတော်တော့တဲ့ သူ့အဖေဟာလည်း မြိုကိုကယ်တင်ဖို ဆက်ခံသူအသစ်ကို ရှာရပါတော့တယ်။ အားသာချက်ဆိုလို ဂိမ်းဆော့တာပဲရှိတဲ့ ဟဒ်ဗင့်ဂ်တစ်ယောက် ဝတ်စုံနဲ့ထိုက်တန်နိုင်ပါ့မလား။ ဆက်ခံသူကရော ဘယ်သူဖြစ်သွားမလည်းဆိုတာကို ပေါ့ပေါ့ပါးပါးနဲ့ မိသားစုအတူတူကြည့်လိုရမယ့် ကားကောင်းလေးပဲဖြစ်ပါတယ်။
Translated & Reviewed by Win Htut
Encoded by Flashy
Yoteshin Drive ကဒေါင်းလုပ်လုပ်ချင်သူများအနေဖြင့် ဒီလင့် (နှိပ်ပါ) ကနေပြထားတဲ့အတိုင်း အရင်ဆုံးloginလေးဝင်ထားဖို့တော့လိုမယ်နော်
