လူကြိုက်များလှတဲ့ မီနီယံလေးတွေရဲ့ စွန့်စားခန်းအသစ် ပြန်လာပါပြီ။
ဒီဇာတ်ကားဟာ အန်နီမေးရှင်း၊ စွန့်စားခန်းနဲ့ ဟာသဇာတ်မြူး အမျိုးအစား ဖြစ်ပါတယ်။ ဇာတ်လမ်းကတော့ ၁၉၂၀ ပြည့်လွန်နှစ်တွေရဲ့ ဟောလိဝုဒ် အသံတိတ်ရုပ်ရှင်ခေတ်မှာ စတင်ထားတာပါ။ သူတိုရဲ့ သခင် ဂရူး (Gru) နဲ့ မဆုံခင်အချိန်မှာ မီနီယံအုပ်စုဟာ မတော်တဆ ရုပ်ရှင်ရိုက်ကွင်းတစ်ခုထဲ ရောက်သွားပြီး ရုတ်တရက် နာမည်ကြီးအသံတိတ်မင်းသားတွေ ဖြစ်လာခဲ့ကြပါတယ်။ ဒါပေမဲ့ ရုပ်ရှင်လောကမှာ အသံပါတဲ့ ရုပ်ရှင်ခေတ်ဆီ ကူးပြောင်းသွားတဲ့အခါ ကိုယ်ပိုင်ဘာသာစကားပဲ ပြောတတ်တဲ့ မီနီယံတွေဟာ အလုပ်လက်မဲ့ဖြစ်ပြီး အပယ်ခံလိုက်ရပါတော့တယ်။ဒါပေမဲ့ လက်မလျှော့ဘဲ ဂျိမ်း၊ ဟင်နရီ နဲ့ အက်ဒ်ဆိုတဲ့ မီနီယွန် သုံးကောင်က သူတိုဖန်တီးမယ့် ကိုယ်ပိုင်မွန်းစတားရုပ်ရှင်ကြီးနဲ့ အနုပညာလောကထဲ ပြန်ဝင်ဖို ကြံစည်ကြပါတယ်။
ရုပ်ရှင်မှာ သရုပ်ဆောင်ခိုင်းဖို ရှေးဟောင်းဂါထာစာအုပ်တစ်အုပ်ကို သုံးပြီး မွန်းစတားတွေကို မှားယွင်းဆင့်ခေါ်မိလိုက်ရာက မထင်မှတ်ဘဲ ဂူမီ လိုခေါ်တဲ့ အစိမ်းရောင် မွန်းစတားအစစ်ကို နှိးမိသွားပြီး ကမ္ဘာမြေပေါ်ကို မွန်းစတားတွေ ရောက်ရှိလာပါတော့တယ်။ ဒီလိုနဲ့ ရှုပ်ထွေးသွားတဲ့ ပြဿနာတွေကို ဖြေရှင်းဖိုနဲ့ ကမ္ဘာကြီးကို ကယ်တင်ဖိုအတွက် ဂျိမ်း ဟင်နရီ အက်ဒ် တိုအပါအဝင် မီနီယွန်အဖွဲသားတွေ ဘယ်လိုမျိုး အသည်းယားစရာ၊ ရယ်မောစရာတွေနဲ့ ရုန်းကန်လှုပ်ရှားကြမလဲဆိုတာကို ပေါ့ပေါ့ပါးပါးကြည့်ရှုရမှာ ဖြစ်ပါတယ်။
