ဒီဇာတ်ကားကတော့ စစ်အေးကာလအတွင်း ကန့်သတ် တားမြစ်မှုများအကြား ဆိုဗီယက် လေတပ်အခြေစိုက်စခန်းမှာ ဖြစ်တည်လာတဲ့ ချစ်ခြင်းတရားအကြောင်း ဖော်ကျူးထားတဲ့ သမိုင်းနောက်ခံ ဒရာမာဇာတ်ကားတစ်ကား ဖြစ်ပါတယ်
ဆွဲဆောင်မှုရှိတဲ့ လေယာဉ်မှူး ရိုမန်နဲ့ တပ်သားငယ်လေး ဆာဂေးတိုဟာ သူတိုရဲ့ ကွဲပြားခြားနားတဲ့ အဆင့်အတန်း လိင်တူချစ်ကြိုက်မှုဟာ လူ့အဖွဲအစည်းအတွင်း ပြင်းထန်စွာ ဟန့်တားထားတဲ့ ကြားကနေ အချစ်တစ်ခုကို မွေးဖွားဖြစ်ခဲ့ကြပါတယ် သူတိုရဲ့ တောင့်တတဲ့ အကြည့်တွေ ခိုးတွေ့ရတဲ့ အခိုက်အတန့်တွေ အပြန်အလှန် ဆက်သွယ်မှုတွေကလည်း ကြည့်ရှူသူများကို ရင်တထိတ်ထိတ်နဲ့ စိတ်လှုပ်ရှားစေမှာပါ
လူငယ်လေးနှစ်ယောက်ရဲ့ စိတ်အားထက်သန်မှုကို လှပစွာ ပုံဖော်ထားပြီး ရင်သပ် ရှုမောဖွယ်ကောင်းတဲ့ ရိုက်ကွက်တွေ ဂီတနဲ့ဖျော်ဖြေတင်ဆက်မှု တွေကိုလည်း တွေ့မြင်ကြရမှာပါ အထူးသဖြင့် ကောင်းကင်ပေါ်မှာ လေယာဥ်ပျံတွေ ဝဲပျံနေတဲ့ ရေပြင်ကျယ်ထဲမှာ ဇာတ်ကောင်နှစ်ယောက်က ယူနီဖောင်းတွေကို ဖယ်ခွာပြီး သူတိုရဲ့ စစ်မှန်တဲ့ ခန္ဓာကိုယ်ကို ဖက်တွယ်ထားကြတဲ့ ဇာတ်၀င်ခန်းဟာ အဖိနှိပ်ခံ ပတ်ဝန်းကျင်ကနေ လွတ်မြောက်ပြီး သူတိုအတွက် ကမ္ဘာအသစ် တစ်ခုကို ရောက်ရှိသွားသလို ခံစားရစေပါတယ်
ဆိုဗီယက်ပြည်ထောင်စုရဲ့ ကန့်သတ်ဘောင်အတွင်းက ဖိနှိပ်မှုတွေ ပြင်းပြင်းထန်ထန် ဝေဖန်ချက်တွေ ချစ်ခြင်းမေတ္တာအတွက် စွန့်လွှတ်အနစ်နာခံရမှုတွေရဲ့ ကြားမှာ ဆာဂေးနဲ့ ရိုမန်တိုရဲ့ တွဲလက်တွေ မြဲနေနိုင်မှာလား ရိုမန်ကရော အဆုံးထိ ဆာဂေးကို ရွေးချယ် သွားမှာလား ဆိုတာကိုတော့ အလှည့်အပြောင်းများစွာနဲ့ ဆက်လက် ကြည့်ရှုကြရမှာပါ
-အညွှန်းနဲ့ဘာသာပြန်ကတော့ Hyo ပါခင်ဗျာ
Encoded by X
Yoteshin Drive ကဒေါင်းလုပ်လုပ်ချင်သူများအနေဖြင့် ဒီလင့် (နှိပ်ပါ) ကနေပြထားတဲ့အတိုင်း အရင်ဆုံးloginလေးဝင်ထားဖို့တော့လိုမယ်နော်ဗျ
