The platform 2 (2024)
ပထမတွဲမှာ ပရိတ်သတ်တွေသဘောကျခဲ့ကြတဲ့ The Platform ကားကတော့ ၂ အနေနဲ့ ထွက်ရှိလာပါပြီ။ ၂ ထပ်ထွက်လာတဲ့ကားတွေက ပေါ့သွားတတ်ပေမဲ့ ဒီ ၂ ထပ်ထွက်တဲ့ကားကတော့ ရုပ်ရှင်ရဲ့အနှစ်သာရကို ပိုပေါ်လွင်သွားစေတယ်လို့ခံစားရပါတယ်။ နံပါတ်၁ မကြည့်ရသေးတဲ့သူတွေအတွက် မိတ်ဆက်ပေးရမယ်ဆိုရင် ဒီတွင်းထဲမှာ အထပ်ပေါင်း ၃၃၃ ထပ်နဲ့ တစ်ထပ်စီမှာ လူနှစ်ယောက်စီနေကြပြီး စုစုပေါင်း ၆၆၆ ယောက်ရှိပါတယ်။ ၆၆၆ ယောက်လုံးကလည်း သက်ကြီးရွယ်အို ကျား၊မ မရွေး အစုံရှိနေပါတယ်။ တွင်းရဲ့အလယ်မှာအပေါက်ဖောက်ထားပြီးတော့ အထပ်တွေဆီကို ပလက်ဖောင်းကတဆင့် အစားသောက်တွေချကျွေးပြီး တစ်ဆင့်ချင်းအောက်ကိုဆင်းသွားတတ်ပါတယ်။ ဒါကြောင့် အထပ်မြင့်မြင့်မှာရှိလေ အစားကောင်းတွေစားရပြီးတော့ အောက်ထပ်ကလူတွေကတော့ငတ်မွတ်ပြီး အချင်းချင်းသတ်စားကြရတဲ့အထိ ဖြစ်လာပါတယ်။ ဒါပေမဲ့သူတို့ကို ၁ လတစ်ခါ မေ့ဆေးပေးပြီး အထပ်တွေကိုကျပန်းပြန်ထားပေးတာမို့လို့ သာတလှည့် နာတလှည့်နဲ့ မပြီးနိုင်တဲ့ငရဲတွင်းလိုပါပဲ။
ဒုတိယထပ်ထွက်လာတဲ့ နံပါတ်၂ မှာတော့ နံပါတ်၁ တုန်းက မင်းသားလို မျှမျှတတစားရင် ဘာပြဿနာမှမရှိဘူးလို့ယုံကြည်နေတဲ့ ဘိသိက်ခံရတဲ့သူတွေက သူတို့ကိုယ်ပိုင်စည်းကမ်းတွေထုတ်ပြီး ခြယ်လှယ်ဖို့ကြိုးစားပါတယ်။ မမျှတတဲ့ပတ်ဝန်းကျင်မှာ မျှတမှုကမရှိတော့ အဲဒီစည်းကမ်းထုတ်ခဲ့တဲ့လူတွေကပဲ မတရားအနိုင်ကျင့်လာတဲ့အခါ သူတို့ကိုပြန်တွန်းလှန်တဲ့ရရာစားမယ်ဆိုတဲ့သူတွေ ထပ်ပေါ်လာပြီး ဒီမပြီးဆုံးနိုင်တဲ့ ငရဲတွင်းသံသရာကြီးနဲ့ လူတွေရဲ့စိတ်နေစရိုက်တွေကိုသေချာရိုက်ပြထားတာမို့ တော်တော်လေးကြည့်လို့ကောင်းတဲ့ရုပ်ရှင်ပဲဖြစ်ပါတယ်။
Translated & Reviewed by Bex
Encoded by Flashy
Yoteshin Drive ကဒေါင်းလုပ်လုပ်ချင်သူများအနေဖြင့် ဒီလင့် (နှိပ်ပါ) ကနေပြထားတဲ့အတိုင်း အရင်ဆုံးloginလေးဝင်ထားဖို့တော့လိုမယ်နော်
