အင်တာနက်ကို နေရာမရွေး လူတိုင်းအသုံးပြုနေကြတဲ့ ဒီခေတ်ကြီးထဲမှာ Unicon နဲ့ Barro တို့ဟာ ဈေးကွက်ထိပ်တန်းကုမ္ပဏီတွေအဖြစ် ပြိုင်ဆိုင်နေကြတဲ့ ကိုရီးယားနိုင်ငံရဲ့ လူသုံးအများဆုံးရှာဖွေရေးအင်ဂျင်တွေဖြစ်တဲ့ တွေဖြစ်ပါတယ်။
Bae Ta-miဟာ ကိုးရီးယားရဲ့ နံပါတ် ၁ search engine အဖြစ်ရပ်တည်နေတဲ့ unicon မှာ ၁၀နှစ်ကျော်ကြာ ကြိုးစားပြီးအလုပ်လုပ်ခဲ့တဲ့ ထက်မြတ်တဲ့အမျိုးသမီးတစ်ဦးပါ။
အနိုင်လိုချင်စိတ်ပြင်းပြပြီး ဖြောင့်မှန်စွာကြိုးစားချင်တဲ့ Bae Ta-mi ဟာ ကုမ္ပဏီရဲ့ ရွေးကောက်ပွဲဆိုင်ရာအချက်အလက်တွေကို ထိန်းချုပ်တဲ့ကိစ္စနဲ့ပတ်သတ်ပြီး ဖြေရှင်းဖို့ စေလွှတ်ခံခဲ့ရာက အလုပ်ထုတ်ခံခဲ့ရပါတယ်။
Unicon ရဲ့ဒါရိုက်တာတစ်ဦးဖြစ်ပြီး Bae Ta-miရဲ့စီနီယာလဲဖြစ်တဲ့ Song Ga-kyeong ကတော့ ယောက္ခမရဲ့စေရာကို လိုက်လုပ်ပေးနေရသူတစ်ဦးဖြစ်ပါတယ်။
Cha Hyeonကတော့ Barroမှာ ဆယ်နှစ်ကျော်ကြာ အလုပ်လုပ်ခဲ့တဲ့သူဖြစ်ပြီး အမြဲနံပါတ်၂နေရာမှာနေရတဲ့ Barro ကို နံပါတ် ၁ဖြစ်အောင် ကြိုးစားနေသူ ဆက်ဆက်ထိမခံတဲ့ဒေါသကြီးတဲ့ အမျိုးသမီးတစ်ဦးဖြစ်ပါတယ်။
Unicon မှာ အလုပ်ပြုတ်သွားပေမယ့် ပြိုင်ဘက်ကုမ္ပဏီဖြစ်တဲ့ Barro မှကမ်းလှမ်းခြင်းခံရတဲ့ Bae Ta-miတစ်ယောက်… သူမကိုအမြင်မကြည်တဲ့ Cha Hyeonနဲ့အတူ Unicon ကိုယှဉ်ပြိုင်ရင်း Song Ga-kyeongနဲ့အတိုက်အခံဖြစ်လာပါတော့တယ်။
ထက်မြတ်ပြီး အနိုင်ယူလိုစိတ်ပြင်းပြတဲ့အမျိုးသမီးသုံးဦး ၂၁ရာစုရဲ့ တိုးတက်နေတဲ့နည်းပညာတွေကြား သူတို့ရဲ့စွမ်းရည်ကိုယ်စီနဲ့ ဘယ်လိုယှဉ်ပြိုင်ကြမယ်ဆိုတာကို ဒီဇာတ်လမ်းလေးထဲမှာ စိတ်ဝင်စားဖွယ်တွေ့ရမယ့်အပြင်
အလုပ်ကိစ္စပဲခေါင်းထဲရှိတဲ့ Bae Ta-miတစ်ယောက် အပြုံးချိုချိုလေးနဲ့ အသက်၂၈နှစ်အရွယ် ဂိမ်းနောက်ခံတေးဂီတဖန်တီးတဲ့ ကုမ္ပဏီတစ်ခုရဲ့လူငယ်CEO Park Morganနဲ့တွေ့ဆုံကြပြီး
ဘယ်လိုတွေ romance ဆန်ဆန် ချစ်ဇာတ်လမ်းတွေဖန်တီးကြမယ်ဆိုတာကိုပါ စောင့်ကြည်ရမှာမို့…
အဓိကသရုပ်ဆောင်များအဖြစ်
Bae Ta-mi အဖြစ် Chigago Typewriter ထဲကမင်းသမီး Im Soo-jung
Cha Hyeonအဖြစ် Beauty Inside ထဲက ရုပ်တည်လေးနဲ့ကောင်မလေး Lee Da-hee
Song Ga-kyeong အဖြစ် Jeon Hye-jin နဲ့
Bae Ta-mi ရဲ့အသည်းကိုဖမ်းစားမယ့် ကောင်လေး Park Morganအဖြစ် ကောင်မလေးတွေအသဲစွဲ kill it ထဲက killerလေးJang Ki-yong တို့က ပါဝင်သရုပ်ဆောင်ထားတာပဲဖြစ်ပါတယ်။
